Tengdu.is, áður þekkt sem Kapalvæðing í Keflavík, býður upp á heildarlausnir í fjarskiptum fyrir heimili og fyrirtæki. Í boði eru ljósleiðaratengingar, símaþjónusta, sjónvarpsútsendingar og streymisþjónusta í appi – allt með áherslu á stöðugleika, skýra þjónustu og sanngjarnt verð. Fyrirtækið hefur áratuga reynslu á markaði og þjónustar í dag stóran hóp ánægðra viðskiptavina á Suðurnesjum og víðar.

Tengdó hannaði nýjan vef fyrir Tengdu með skýru markmiði: að einfalda ferlið fyrir nýja og núverandi viðskiptavini. Verkefnið fól í sér heildarhönnun, uppsetningu á pöntunarkerfi og þróun söluferla á vefnum. Gestir geta nú valið þjónustu, skráð sig og fylgst með pöntuninni með einföldum og skiljanlegum hætti – hvort sem þeir skoða á síma eða tölvu.

Með þessari lausn hefur Tengdu nú stafrænt umhverfi sem styður við hraðan vöxt fyrirtækisins og eykur aðgengi að þeirra öflugu fjarskiptaþjónustu.